Länk till startsidan

Nasjonaale unnebelåhkoeh

Hijven daejredh

Unnebelåhkoelaakesne byjjes nænnoestimmieh gååvnesieh mah faamosne abpe laantesne jïh gaajhki nasjonaale unnebelåhkoej jïh unnebelåhkoegïele gaavhtan.

Dah nasjonaale unnebelåhkoegïelh leah såevmiegïele, jiddisch, meänkieli, romani chib jïh saemiengïelh, jïh smaarehgïelh dejstie gïelijste. Dah nasjonaale unnebelåhkoeh Sveerjesne leah judarh, romerh, saemieh (aaj aalkoealmetjh), sveerjesåevmieladtjh jïh torneladtjh. Jienebh nasjonaale unnebelåhkoeh utnieh gellie identiteetenommh jïh dah leah: vuelkijh jïh romerh utnieh romani chib goh dej nasjonaale unnebelåhkoegïele jïh torneladtjh, kveenh jïh lantalaiset utnieh meänkieli goh dej nasjonaale unnebelåhkoegïele.

Soptsestalleme jïh tsevtseme

Dah sïejhmi njoelkedassh unnebelåhkoelaakesne stuvrie Sveerjen nasjonaale unnebelåhkoeh nuepieh tsevtsemasse vedtedh dejtie gyhtjelasside mejgujmie guhtide duehtieh. Struktureereme soptsestalleme dej nasjonaale unnebelåhkoejgujmie edtja sjiehteleslaakan maehtedh dej vuajnoeh jïh daerpiesvoeth krööhkedh tjïelten moeneminie. Tjïelte edtja sjïere lissine maanaj jïh noeri nuepieh tsevtsemasse jïh ektieraeriestæmman freemmedh gyhtjelasside mejgujmie guhtide duehtieh jïh dej tsiehkiej mietie hammojde sjïehtedidh.

Orrestaaren tjïelte barka ræhpas ektieraerine dahkoedaltesinie åajvahkommes maalle ektieraaran. Ræhpas ektieraerie dahkoedaltesinie vadta dejtie nasjonaale unnebelåhkojde laaken mietie mij faamosne reaktam tsevtsemasse vuekine maam laake buerkeste.


Gïeleldh jïh kulturellen reaktah

Datne gie nasjonaale unnebelåhkosne edtjh reaktam utnedh dov nasjonaale unnebelåhkoegïelem lïeredh, evtiedidh jïh nuhtjedh. Dïhte byjjes, staate, tjïelte jïh regijovne, edtja aaj dej jïjtje vierhtiejgujmie eadtjohke dej nasjonaale unnebelåhkoej nuepieh freemmedh dej kultuvrh utnedh jïh evtiedidh Sveerjesne.

Gaajhkh tjïelth jïh regijovnh edtjieh dejtie nasjonaale unnebelåhkojde bïevnedh dej reaktaj jïh byjjes dïedten bïjre laaken mietie dennie suerkesne.

Gaajhkh tjïelth edtjieh barkedh guktie barkijh gååvnesieh gïelemaahtojne gaajhkh nasjonaale unnebelåhkoegïeline jïh dïsse faalehtieh gie dam sæjhta hoksedimmiem jïh såjhtoem voeresesåjhtoen mieriej mietie, abpe jïh biehkide, dan nasjonaale unnebelåhkoegïeline gosse barkijh gååvnesieh dejnie gïelemaahtojne.

Gaajhki tjïelti dïedte ulmieh jïh njoelkedassh moenedh dej unnebelåhkoepolitihken barkose gaajhkide nasjonaale unnebelåhkojde jïh unnebelåhkoegïelide.

Gaskesadteme

Gaskesadtemejarnge ajve daaroste

Gaskesadtemejarnge

Telefovne: 0660-880 00

Ræhpastïjjh telefovne: 07:30–17:00 hïeljehts aarkebiejjieh (suehpeden 15.b. – skïereden 15.b. 07:30–16:15)

E-påaste: kontaktcenter@ornskoldsvik.se


Gåassoehtimmieadressh

Gåassoehtimmiejarnge staaregåetie Kronan: Järnvägsgatan 6, entréplan

Ræhpastïjjh gåassoehtimmiejarnge Kronan: 07:45–17:00 gaajhkh hïeljehts aarkebiejjieh (suehpeden 15.b.– skïereden 15.b. 07:45–16:15)

Dåastove staaregåetie Nygatan: Nygatan 16, plan 1

Ræhpastïjjh dåastove Nygatan: 07:45–16:30 gaajhkh hïeljehts aarkebiejjieh, beapmoegaptjeme 11:30–12:30 (suehpeden 15.b. – skïereden 15.b. (07:45–15:45)